اسلام آباد۔ 22 دسمبر (اے پی پی) پاکستان اٹ عوامی جمہوریہ چین نا سفارتخانہ نا کنڈآن سی پیک پروجیکٹ آتیٹی گچین خذمت سر تروک آ ملازم آتیکن ورچوئل ایوارڈ بشخنگ نا دود اٹی چیئرمین سی پیک اتھارٹی عاصم سلیم باجوہ پارینے کہ پاکستانیک چین اتون دلی وابستگی تخرہ۔ اوبشخ ہلوک آتے پاکستان و چین نا نیام اٹ سی پیک کمکاری نا بابت معلومدار کرے۔ اوایوارڈ کٹوک آ ملازم آتے مبارکبادی تس و اوفتے سخت خواری کننگ نا پارت کرے۔ اومستی پارے کہ سی پیک نا کمک اٹ پاکستان جہانی ویلییو چین اٹ داخل مریک۔ اوپارے کہ سی پیک داسہ زباں زد عام ءُ لوز اس جوڑ مسنے۔
