اسلام آباد۔ 22 دسمبر (اے پی پی) تدوک آ تُو اٹی حسابات جاریہ نا کھاتہ پین 447 ملین ڈالر ودانے۔ اسٹیٹ بینک انا کنڈآن جاری حساب وکتاب نا رداٹ نومبر 2019ء ٹی حسابات جاریہ نا کھاتہ 326 ملین ڈالر نسخان اٹی ئس۔ برجامالی سال انا بنائی پنچ تُو اٹی حسابات جاریہ نا کھاتہ 1.6 ارب ڈالر ودانے، تدوک آ مالی سال انا اولیکو پنچ تُو اٹی حسابات جاریہ نا کھاتہ غاتا نسخان1.7 ارب ڈالرریکارڈ کننگاسس۔ تدوک آ مالی سال انا برعکس برجامالی سال اٹی داتم اسکان حسابات جاریہ نا کھاتہ پدریسہ ودسا ہننگ ءِ، ہرانا بنداوی سوب ترسیلات زر اٹ ودکی و واپاری توازن اٹی گچینی ءِ۔ نومبر نا تُو اٹی درآمد و برآمد آتیٹی ودکی مس ہرا پیشن نازرتس و تہہ نا زرگزرانی سرجزآتیٹی گچینی نا پیدواری ءِ کننگ ءِ۔ زرگزران اٹ ترندی و مالیاتی بہاؤ ٹی گچینی نا سوب آن نومبر نا تُو اٹی زرمبادلہ نا کوڑی تیٹی اسہ ارب ڈالر نا ودکی مسنے۔ داوخت آ اسٹیٹ بینک اتون زرمبادلہ نا کوڑی تا کچ 13.1ارب ڈالر ءِ ہرا تدوک آ مسہ سال اٹی زرمبادلہ نا کوڑی تا غٹ آن زیات کچ ءِ۔
