اسلام آباد۔ 22 دسمبر (اے پی پی) محکمہ موسمیات نا رداٹ بروک آ بیست ءُ چار گھنٹہ ٹی ملک انا گیشتر علاقہ غاتیٹی موسم یخ و پِرکپک وخت اس کہ بڑزکو علاقہ و قطبی بلوچستان اٹی بھاز یخ مریک۔ داٹی پنجاب نا میدانی علاقہ و بڑزکو سندھ اٹی سہب و شام انا وخت آتیٹی گوتلو مننگ نا گمان ءِ۔ تدوک آ 24 گھنٹہ ٹی ملک انا گیشتر علاقہ غاتیٹی موسم یخ و خشک وخت اس کہ قطبی بلوچستان، قطبی علاقہ جات، کشمیر و بڑزکو خیبرپختونخوا ٹی بھاز یخ مس ولے گلگت بلتستان و بڑزکو خیبرپختونخوا ٹی گڑاس ہند آتیا پڑی پڑی پِر و برف مس۔ داٹی غٹ آن زیات پِر استور اٹی 9 ملی میٹر، بگروٹ 6، دروش3، چلاس2، گلگت اسٹ، پٹن 4و میر کھانی ٹی 2 ملی میٹر پِر ریکارڈ کننگا۔ داکان بیدس استور اٹی 5 انچ و بگروٹ اٹی 2 انچ برف ہم ریکارڈ کننگا۔ سے شنبے نادے آ ریکارڈ کروک آ کم آن کم درجہ حرارت نا رپورٹ نا رداٹ گوپس اٹی درجہ حرارت منفی 10، استور کالم منفی 7، پاراچنار، اسکردو،منفی 6، کوئٹہ، قلات منفی 4و دیر اٹی منفی 3 ڈگری سینٹی گریڈ ریکارڈ کننگا۔
