اسلام آباد۔21دسمبر (اے پی پی): بنجاھی وزیر برائے آپی آسراتی فیصل واوڈا ءَ گوشت کہ مولانا فضل الرحمن ءَ ھمک دور ءَ بلیک میلنگ ءِ سیاست کتگ، اچبر بے نظیر ءِ نام ءَ فتویٰ دیان ءَ ڈیزل ءِ پرچی زرتگ، برئے نواز شریف ءَ را انڈین ایجنٹ گوشان ءَ حکومت ءِ بھر ءِ جوڑ بوتگ، کدئی پرویز مشرف ءَ را ڈکٹیٹر گوندینان ءَ یک صوبگے ءِ سر ءَ سروکی کتگ، آئی ءِ 25 ، 25 لکھ کلدار ءِ بنگلہ 10 سرئی گیش نیاد ءِ سر ءَ بھا زورگ ءَ تیار آں۔ حکومت دھمکی آنی سر ءَ نہ ترس ایت، نواز شریف ءَ را تچوک ءُ اشتہاری آمید گس آں نامینتگ۔ زیک ءِ مٹ ءَ مرچی اسلام آباد ءَ بیا ات ءُ زیک ءِ مٹ ءَ مرچی استعفا بدیت۔ دو شمبے ءَ ادا بنجاھی وزیر کشمیری کار گلگت بلتستان علی امین گنڈا پور ءِ ھمبراھی ءَ پریس کانفرنس ءَ گوں گشتانک دیان ءَ فیصل واوڈا ءَ گوشت کہ ھمائی نام ءَ کاروبار انت، نہ کہ نوکری است، آ چہ کجا ارب پتی جوڑ بوتگ انت۔ آواں ھمک دور ءُ باریگ ءَ ڈرامہ بازی کتگ۔ کدئی بے نظیر بھٹو ءِ نام ءَ فتوی داتگ ءُ ڈیزل ءِ پرچی جوڑ کتگ۔ نواز شریف ءَ را انڈین ایجنٹ گوشتگ ءُ آئی ءِ حکومت ءِ بھر ءِ جوڑ بوتگ۔
