اسلام آباد۔21دسمبر (اے پی پی): بنجاھی وزیر توکی کار شیخ رشید حمد ءَ گوشت کہ پی ڈی ایم سینیٹ ءِ گچین کاری ءَ بھر زور ایت، مولانا فضل الرحمن اے اسمبلیءَ را جانائز گوشگ ءَ انت ھمیشی یے آ صدرارتی امیت وار بوتگ، آئی یے نوں اچ سیاسی آیوکیں باندات نیست انت، فضل الرحمان ءَ ھفوار 20 نامداریں سیاستدان آنی زندمان بیم آنی وڈالیگ انت، نواز شریف ءَ وتی وتی پاد آنی سر ءَ تپر جتگ، چوشیں آرمی چیف ءُ جج ءِ نیست کہ آواں گوں ایشانی مڈ ءُ جنگ نیست انت ءُ نہ بوتگ، منی لانڈرنگ ءُ کرپشن کنوک رکھ ات نہ کناں، مئے فورسز آں سی پیک ءِ ھلاپ ءَ اچ رنگیں تھریٹ آناں کامیات بوھگ ءَ نیشتگ، پاکستان ایمنی ءِ گپ ءَ کنت ءُ سرجمیں دگنیا ءَ گوں جوانیں یکوئی لوٹ ایت۔ بلے پاکستان ءِ سر ءَ اگاں یک ارش ءِ بوت گڈا ایش گڈی جنگ بیت۔ دو شمبے ءَ اسلام آباد ءَ اھوالکاراں گوں تران کنان ءَ آئی ءَ گوشت کہ ملک ءَ سی پیک ءِ ھلاپ ءَ سک باز تھریٹس است انت بلے شگر انت کہ افواج پاکستان، پولیس ءُ ادارگ آں یک مشتی ءَ کامیات بوھگ ءَ نیشت اتگ انت۔ سٹاک ایکسچینج ارش ءِ سر ءَ ارش نیکٹا ءَ وھد ءَ چہ پیسر ھال داتگ بوتگ ھمے واستہ حکومت ءِ ترجی انت کہ نیکٹا ءِ نظام ءَ را گیش گہتر جوڑ کنگ بہ بیت۔ بنجاھی وزیر توکی کار ءَ گوشت کہ ملک ءَ 20 ٹوھیں پرسنائلٹی است آواناں تھریٹس است انت ایشانی تہءَ سیاستدان ھوار انت۔ ایشانی تہ ءَ دو ءَ چہ سئے اپوزیشن ایگ انت ءُ ایشانی سر ءَ پیسر ءَ ھم ارش بوتگ انت وھدیکہ ایشاناں ہائی الرٹ جاڑی کنگ بوتگ ءُ گوشگ بوتگ کہ وتا بہ رکھین ات۔ اے نام آنی تہ ءَ ھاسیں رنگ ءَ فضل الرحمان ھوار انت۔
