اسلام آباد۔ 21 دسمبر (اے پی پی) وزیراعظم عمران خان تون اسپیکر قومی اسمبلی اسد قیصر اوڑدہی کرینے۔ وزیراعظم آفس نا میڈیا ونگ آن جاری بیان نا رداٹ اوڑدہی ٹی ملکی پارلیمانی نظام آسرجم گپ وتران کننگا۔ وزیراعظم داوخت آ پارے کہ پارلیمان نئے بیرہ کانود سازی بلکن جمہوریت نا تسلسل کن بھاز اہم و ملک انا غٹ آن بھلا آئینی فورم ءِ۔ غٹ جماعت آک پارلیمان نا تقدس و جمہوری قدر انا پاسداری ءِ پک کیر۔ اومستی پارے کہ الس پارلیمنٹ اٹ تینا ویل آتا توار ءِ بڑز کننگ کن گچین مروک آ نمائندہ غاتا کنڈآ ہرک۔ پارلیمنٹ نا اصل طاقت الس نا خذمت و آئین نا پاسداری ءِ۔
