اسلام آباد۔ 21 دسمبر (اے پی پی) الیکشن کمیشن آف پاکستان آئین و کانود نا رداٹ مناسب وخت آ دا گچین کاری نا تاریخ نا پڑو اسہ گچین کاری پروگرام اسے نا حالیت اٹ جاری کیک۔ دوشنبے نادے آ کمیشن نا کنڈآن جاری پریس ریلیز نا رداٹ تدوک آ منہ دے آن سینیٹ گچین کاری نا اڈتننگ نا بابت میڈیا غا چندی قیاس آرائی کننگ انگ ءِ۔ محسوس کننگانے کہ حالیت آتے آئین و کانود ءِ مون آ تخسا پیدوار کننگے۔ الیکشن کمیشن آف پاکستان نا کنڈآن وضاحت کننگک کہ سینیٹ آف پاکستان نا نیمہ باسک 11 مارچ 2021ء آ تینا 6 سال انا مدءُ معیاد ءِ پورو کننگ آن پد ریٹائر مریرہ۔ آئین نا آرٹیکل 224 نا ذیلی آرٹیکل 3 انا رداٹ ہرا نشست آک تینا مد ءُ معیاد پورو مننگ آن پد خورک مریرہ۔ اوفتیا گچین کاری نا اڈتننگ 30 دے آن مست مننگ کپک۔ الیکشن کمیشن آف پاکستان آئین و کانود نا رداٹ مناسب وخت آ دا گچین کاری تا تاریخ نا پڑو اسہ گچین کاری پروگرام اسے نا حالیت اٹ جاری کیک۔ الیکشن کمیشن تینا زمواری تے آئین و کانود ءِ مون آ تخسا پورو کننگ کن سنبرینگوک ءِ۔
