اسلام آباد۔ 21 دسمبر (اے پی پی) الیکشن کمیشن سندھ اسمبلی نا اِرٹ و بلوچستان اسمبلی نا اسہ نشست آ ضمنی گچین کاری کن شیڈول جاری کرے، پولنگ 16 فروری آ مریک۔ الیکشن کمیشن نا کنڈآن دوشنبے نادے آ جاری کروک آ شیڈول نا رداٹ پندار کاغد آتے 23 آن 28 دسمبر اسکان جمع کرفنگ مریک۔، ہرافتا جانچ پڑتال 4 جنوری اسکان مریک۔ ریٹرننگ آفیسر نا کنڈآن پندار کاغد آتا منظوری یا مسترد کننگ نا برخلاف اپیل 8 جنوری وخت اس کہ داڑآ اپیلیٹ ٹربیونل نا کنڈآن فیصلہ 14 جنوری آ مریک۔ نظرثانی مروک لڑک 15 جنوری آ جاری مریرہ۔ پندار کاغد آتے 16 جنوری آ پدی ہلنگ مریک وخت اس کہ اومیتدار آتے گچین کاری نشان تا الاٹمنٹ 17 جنوری آ مریک۔
