اسلام آباد۔ 21 دسمبر (اے پی پی) بنجائی وزیر حوالکاری و شینکاری سینیٹر شبلی فراز سینیٹر کلثوم پروین نا کزیت آ است ہسونی نا درشانی ءِ کرسا پارینے کہ گودی کلثوم پروین ایوان بالا نا بے کچ مثبت سوچ تخوک اسہ متحرک ءُ باسک اس ئس۔ دوشنبے نادے آ تینا ہڑزخواہی کلہو اٹی بنجائی وزیر سینیٹر شبلی فراز پارے کہ گودی کلثوم پروین بلوچستان نا پسماندہ علاقہ و الس نا ویل آتا ایسری کن توانا توار مس۔ اللہ تعالیٰ ایماندار ءِ جنت الفردوس اٹی جاگہ ایتے و اونا خاہوت ءِ صبر کننگ نا توفیق ایتے۔
