اسلام آباد۔ 21 دسمبر (اے پی پی) داوخت آ ملک اٹی کورونا نا مثبت کیس آتا غٹ آن زیات تناسب کراچی ٹی 13.01درسد اوکان پد لاہور اٹی 9.49درسد مسٹ میکو نمبر آ میرپور اٹی 8.47درسد ءِ۔ دوشنبے نادے آ نیشنل کمانڈ اینڈ آپریشن سینٹر نا کنڈآن جاری کروک حساب وکتاب نا رداٹ غٹ آن زیات کورونا کیس آتا مثبت تناسب کراچی ٹی 13.01درسد، ارٹ میکو نمبر آ لاہور اٹی 9.49درسد اوکان پد میر پور اٹی 8.47درسد مس۔ مچ آ ملک اٹی 2 ہزار 403 کورونا ناجوڑ آتا حالیت نازرک ءِ و نازرک حالیت والا ناجوڑ آتا کچ ترندی اٹ ودنگ ءِ۔ چندی بنجائی اکائی تیٹی کورونا نا مثبت کیس آتا تناسب نا لحاظ اٹ آزاد جموں کشمیر اٹی 8.25درسد، بلوچستان اٹی 4.7درسد، گلگت بلتستان اٹی 1.22 درسد، اسلام آباد اٹی 3.58درسد، خیبرپختونخوا ٹی 6.41درسد، پنجاب اٹی 3.40 درسد و سندھ اٹی 7.91درسد مس۔ ہنداوڑاٹ صوبہ غاتا چندی شارتیٹی کورونا کیس آتا مثبت تناسب نا لحاظ اٹ پنجاب اٹی لاہور9.49درسد، راولپنڈی 5.74درسد،گوجرانوالہ ٹی 2.78درسد، سندھ انا شار ہرافتے ٹی کراچی 13.01درسد، حیدر آباد 6.78درسد مس۔ ہنداوڑاٹ خیبرپختونخوا نا شار پشاور 6.36درسد، سوات 5.51درسد، ایبٹ آباد 4.69درسد۔ بلوچستان نا شار کوئٹہ ٹی 3.15درسد تناسب مس۔ بنجائی دارالحکومت اٹی 3.58درسد۔ آزاد کشمیر نا شار تیٹی میرپور 8.47درسد، مظفر آباد 7.69درسد۔ ہنداوڑاٹ مچ آ دنیا ٹی مروک آ مرک آتیانبار ملک اٹی مروک آ مرک آتا کچ 9 ہزار 392 ءِ ہراکہ مچ آ دنیا ٹی مروک آمرک آتا 2.21درسد تناسب نا مقابلہ ٹی 2.04درسد ءِ۔ ملک اٹی مروک آ مرک آتیان 70 درسد نرینہ زوال کریر ہرافتا اوسط وئی 61 سال ءِ و زوال کروک آتیان 77.5 درسد ہموبندغ آک ئسر ہرافتا وئی 50 سال آن زیات ئس۔ زوال کروک آتیان 73 درسد بندغ چندی ناجوڑی تیٹی اختہ ئسر و زوال کروک آ بندغ آتیان 91 درسد ہسپتال آتیٹی درمان مسرہ وخت اس کہ 58 درسد ناجوڑ وینٹی لیٹر آتیا درمان اٹی زوال کریر۔
