اسلام آباد۔ 21 دسمبر (اے پی پی) محکمہ موسمیات نا رداٹ بروک آ بیست ءُ چار گھنٹہ ٹی ملک انا گیشتر علاقہ غاتیٹی موسم یخ و خشک وخت اس کہ بڑزکو علاقہ و قطبی بلوچستان اٹی بھاز یخ مریک ولے کشمیر، بڑزکو خیبرپختونخوا و گلگت بلتستان اٹی پِر و مش تیا برف انا گمان ءِ۔ داوخت آ پنجاب نا میدانی علاقہ و بڑزکو سندھ اٹی نن و سہب انا وخت اٹی گوتلو مننگ نا گمان ءِ۔ رپورٹ نا رداٹ تدوک آ 24 گھنٹہ ٹی ملک انا گیشتر علاقہ غاتیٹی موسم یخ و خشک وخت اس کہ قطبی بلوچستان، قطبی علاقہ جات، کشمیر و بڑزکو خیبرپختونخوا ٹی بھاز یخ مس ولے گلگت بلتستان و بڑزکو خیبرپختونخوا ٹی گڑاس ہند آتیا پڑی پڑی پِر و برف مسنے۔ گوپس اٹی درجہ حرارت منفی 11 ڈگری سینٹی گریڈ، استور، لہہ منفی 10، اسکردو منفی 6، پاراچنار، بگروٹ منفی 5، گلگت، دیر، ہنزہ منفی 4 و کالام اٹی منفی 3 ڈگری سینٹی گریڈ ریکارڈ کننگا۔ داوخت آ غٹ آن زیات پِر مالم جبہ ٹی 3 ملی میٹرریکارڈ کننگا و مالم جبہ ٹی اسہ انچ برف باری ہم ریکارڈ کننگانے۔
