اسلام آباد۔20دسمبر (اے پی پی): مزن وزیر عمران خان ءَ میاں اوستمانی برات آنی سر ءَ سہراکتگ کہ اگاں بھارت ءِ نیمگ ءَ پاکستان ءِ ھلاپ ءَ دروگیں فلیگ آپریشن ءِ کمک کنگ بوتگ گڈا ایشرا ھمک تک ءَ پسو کنگ بیت۔ یک شمبے ءِ روچ ءَ وتی ٹویٹ ءَ آئی ءَ گوشت کہ بھارت ءِ نیمگ ءَ 2020 ءَ لائن آف کنٹرول ءُ ورکنگ بائونڈری ءِ سر ءَ سیز فائر ءِ سئے ہزار رنگ ءَ ھلاپ کنگ بوتگ کور ءُ کائی تیر گواری ءُ زور پہ زور شہر آناں نشانگ بندت ءِ نتیجگ ءَ 276 مردم بیران بوتگ انت۔ ایشانی تہ ءَ 92 زالبول ءُ 68 زھگ ھوار انت۔ مزن وزیر عمران خان ءَ گوشت کہ اقوام متحدہ ءِ اردی گشتانکار برائے پاکستان وانڈئیا ءِ گاڑی ءَ را زور پہ زور نشانگ بندگ میاں اوستمانی کانود آنی ھلاپ ءُ لگت مالی انت، اے گاڑی ءِ سر ءَ اقوام متحدہ ءِ نشان ءُ سبزیں بیرک جتگ بوتگ۔ بھارت ءِ اے گامگیج ءَ چہ کجام مہ زمہ واریں ریاست ءِ شرپ ءُ ازت ، میاں اوستمانی ءُ اقوام متحدہ ءِ کانود آناں لگت مال کنگ ءِ بروبر انت۔ مزنو زیر ءَ میاں اوستمانی برات آناں مکن کتگ کہ بھارت ءِ نیمگ ءَ اقتصادی “لچڈی” دھکان آنی جاک ءُ کوکار ءُ کویڈ 19 ءَ گوں گر ءُ چیل بوھگ ءِ واستہ ھرابیں کار رھبند آنی سر ءَ دلگوش ءَر ا دور کنگ ءِ واستہ پاکستان ءِ ھلاپ ءَ دروگیں فلیگ آپریشن ءِ کت کنت۔ مزن وزیر ءَ گوشت کہ اے سہرا کنگ لوٹاں کہ بھارت ءَ بے پرواہ بوھان ءَ پاکستان ءِ ھلاپ ءَ دروگیں فلیگ آپریشن کت گڈاس پاکستان ءِ نیمگ ءَ راجی جزم ءَ چہ ایشی ءَ گوں گر ءُ چیل بوھگ بیت ءُ ایشرا دپ پروشیں پسو کنگ بیت، ھمے ھاترا بھارت ردئی کنگ ءِ سسا ءَ مکنت۔
