کوئٹہ۔19دسمبر (اے پی پی): سروزیر بلوچستان جام کمال خان ءَ گوشت کہ اپوزیشن پارٹی ھمک جیڈھ ءَ را چپ ءُ چوٹ کنگ ءِ جہد انت، سیندک، پی ایس ڈی پی ءُ باڈر ءِ باڑ جنگ ءِ گپ کنگ بوھگ ءَ انت ءُ پدا ایشی ھوالگ ءَ ھاموشی انت۔ آئی ءَ گوشت کہ گوادر ءَ فینسنگ ءَ را یک سیاسی رنگ ءِ دیگ ءُ ایشرا سیاسی پلیٹ فارم ءِ سر ءَ یک ایشو ءِ جوڑ کنگ بوھگ ءَ انت، چوش کہ ایش گوادر سیف کیپنگ انکوڑر گوادر سمارٹ سٹی ءِ یک بھر ات، آئی ءَ گوشت کہ درحقیقت ایش انکلوڑر شہر ءِ پشت ءَ کوہ آنی تہ ءَ جوڑ کنگ بوھگ ءَ انت ءُ تاں وھد ءِ ایش سرجم نہ بیت ھما وھد ءَ ایش ادارُکی نمونگ ءِ انکوڑر ءِ جوڑ بیت۔ فینسنگ ءُ ایشی اندر ءَ یک ٹوھیں پریک ءِ است ایشی سرپد بوھگ المی انت۔ آئی ءَ گوشت کہ گوادر پورٹ فینس نہ انت، چے ایش پارک ات، بی آر سی، یا دگہ یونیورسٹی یا نیشنل پارک ءَ فینس نہ بیت؟ آئی ءَ گیش تران کت ءُ گوشت کہ زاتی شکار ءِ واستہ فینس جنگ جائز زانگ بیت بلے گوادر وڑیں ارزشتی ایں شہر ءِ نگرانی ءُ گہتری ءِ واستہ کجام نمونگ ءِ جائزیں کار کنگ بہ بیت گڈا ایشرا ایشو ءِ جوڑ کنگ بیت۔
