لاہور۔19دسمبر (اے پی پی):چیف جسٹس آف پاکستان مسٹر جسٹس گلزار احمد ءَ گوشت کہ آمید گس آنی اندر ءَ گیشاں چہ گیش جمہوری شرپ کاراں ءُ ھمے شرپ ءِ رد ءَ دیم ءَ جنزاں۔ شمبے ءِ روچ ءَ پنجاپ بار کونسل ءِ ماڑی ءِ پراھ ءُ شاھیگان ءُ سنٹر آف ایکسیلینس اینڈ بائیو میٹرک سسٹم ءِ بنگیجی مراگش ءَ گوں وکیل آں گوں گشتانک دیان ءَ چیف جسٹس ءَ گوشت کہ وکیل ءُ جج آنی نیام ءَ پیسر ءَ یک دیوار ءِ بوتگ ایشرا ما مزنیں کساس ءَ دور داتگ ءُ جج آنی پوسٹنگ ءِ ھوالگ ءَ کوشست کتگ کہ وکیل آناں گیشاں چہ گیش جج آناں پوسٹ کنگ بہ بیت بلے وکیل آناں اچ رنگیں لٹ ءُ کٹ بوھگ ءِ ضلورت نہ انت۔ چیف جسٹس ءَ گوشت کہ آ ھم یک زمانگ ءِ گرمیں طبعیت ءِ وکیل ءِ بوتگ ءُ یک رند ءِ آمید گس ءَ ترندی ءَ گوں تران کتگ، گڈا آئی پس ءَ آرا ھبر داتگ گڈا آئی ءَ جج ءَ چہ معافی لوٹ اتگ۔ ایشی ءَ چہ پیسر چیف جسٹس گلزار احمد ءَ پنجاپ بار کونسل ءِ منصوبگ آنی بنگیج کت۔ مراگش ءِ گڈ ءَ پنجاپ بار کونسل ءَ چیف جسٹس ءَ را دادی شیلڈ دات۔
