بھارت  دراج بُریں وھد ءَ چہ پاکستان ءِ ھلاپ ءَ میاں اوستمانی دروگ آنی  کارخانہ ءِ چلائینگ ءَ انت، بنجاھی وزیر اھوالکاری ءُ شنگ کاری سینیٹر شبلی فراز ءِ ٹویٹ

اسلام آباد۔18دسمبر  (اے پی پی): بنجاھی وزیر اھوالکاری ءُ شنگ کاری  سینیٹر شبلی فراز ءَ گوشت کہ بھارت  کشمیر ءِ پڑ ءَ گیر کانودی رنگ ءَ آباتی  ءَ را مٹ  کنگ ءِ  سلیں پندل ءَ  ساچگ ءَ انت۔ آدینگ ءِ روچ ءَ وتی ٹویٹ ءَ بنجاھی وزیر سینیٹر شبلی فراز ءَ گوشت کہ بھارت  یک نیمگ ءَ پاکستان ءِ ھلاپ ءَ ناشرکاری  ءَ  گوں دست مانجن انت۔ دومی نیمگ ءَ دراج بُریں  ساھت آں چہ پاکستان ءِ ھلاپ ءَ میاں اوستمانی  تک ءَ  دروگ  ءِ کار خانہ ءَ چلائینگ ءَ انت۔ آئی ءَ گوشت کہ یورپی نونین، میاں اوستمانی برات ءُ اقوام متحدہ  ایشی سر ءَ نوٹس بہ زور ایت۔