اسلام آباد۔18دسمبر (اے پی پی): وزیر ءِ درئی کار مخدوم شاہ محمود قریشی ءَ گوشت کہ بھارت پاکستان ءَ سرجیکل سٹرائیک ءِ تیاری کنگ ءَ انت، بھارت ءِ پندل آں چہ سرپد انت، پاکستان ایمنیں ملک ات بلے پسو دیگ ءِ سرجمیں بستار ءَ دار ایت، بھارت ءَ اگاں چیزے کت گڈا ایشی ءَ چہ اوگان ایمنی کار آماچ بوت کن انت، آدینگ ءِ روچ ءَ ا بوظہبی ءَ پریس کانفرنس ءَ گوں گشتانک دیان ءَ وزیر ءِ درئی کار ءَ گوشت کہ مارا انٹیلیجنس رسانک در آں چہ ھال رستگیں کہ ہندوستان، پاکستان ءِ سر ءَ سرجیکل سٹرائیکس کنگ ءِ پندل ساچگ ءَ انت۔ وزیر ءِ درئی کار ءَ گوشت کہ منی کرا اے ھوالگ ءَ بازیں کساس ءَ مالوم داری است، ہندوستان وتی توکی ھرابیں جاور ءُ مقبوضہ جموں کشمیر ءِ ھرابیں جاور ھال آنی نیمگ ءَ دلگوش دیگ ءِ واستہ اے ناٹک ءُ پندل ساچگ ءَ انت۔ آئی ءَ گوشت کہ کرونا میاں اوستمانی ھوپ ءِ جاور ھال آنی ھوالگ ءَ ھما ھرابیں رپک ءَ گوں بھارت ءَ گامگیج چست کتگ ایشی ءَ چہ ہندوستان ءِ معیشت ھرابیں رنگ ءَ آماچ بوتگ انت۔ بھارت ءِ پالیشی آنی ھلاپ ءَ سرجمیں ھندوستان جاک ءُ کو کار ءَ انت۔ درئی نیک راھ آنی گوما دست مانجنی ءِ ھلاپ ءَ جاک ءُ کوکار بوھگ ءَ انت۔ بھارت اے جاور آں چہ میاں اوستمانی دلگوش ءَ ر ا گسر کنگ ءِ واستہ اے رنگیں کپتگیں گامگیج ساچگ ءَ انت۔
