اسلام آباد۔18دسمبر (اے پی پی): مزن وزیر عمران خان ءَ گوشت کہ پاکستان ءَ را گہبودی ریاست ءِ جوڑ کنگ ءِ واستہ کوشست کنگ ءَ آں، ایشی اندر ءَ چاگرد ءَ انصاف ءُ بنی آدم بہ بنت ءُ برکت ءُ وشھالی بہ بیت، آزات جموں کشمیر ءِ الس آناں جان سلامتی آسراتی کارٹ ءِ بنگیج ءَ چہ بھارتی گیر کانودی آوار جتگیں کشمیر ءَ نندوکیں کشمیری زان انت کہ ما آواناں چوں کمک ءُ آسراتی پجارینگ ءَ آں، وھدیکہ دومی نیمگ ءَ مقبوضہ کشمیر ءَ فاشسٹ ءُ لچڈیں حکومت سر ءَ کپار انت۔ مزن وزیر عمران خان ءَ آدینگ ءِ روچ ءَ آزات کشمیر ءَ جان سلامتی کارٹ ءِ بنگیج ءِ موہ ءَ گشتانک دیان ءَ کت آئی ءَ گوشت کہ من وھد ءِ کینسر ءَ نادراھی دیست گڈا من زانت کہ ایشی علاج چتور ءُ چنکیاس گران انت، ایشی واستہ ملک ءِ اندر ءَ اچ ہسپتال نیست انت، اگاں ہسپتال ءِ است ات گڈا ایشی علاج سک باز مہنگا ءُ گران ات اچ گریبیں مردم ءِ دست رسی چیز ءِ نہ ات، ایشی ءَ پد من 10 سال ءِ جہد ءُ کوشست کت ءُ کینسر ءِ انچیں ہسپتال ءِ جوڑ کت آھوادا گریبیں نادراھ کاینت ءُ آوانی اے ترس نہ بیت کہ زر کم بوھگ ءِ سب ءَ آوانی علاج نہ بیت۔ اے ہسپتال ءِ اندر ھما دوا ءُ درمان سیر لاپیں مردم ءِ واستہ کارمرد بنت ھما گریب ءِ واستہ کارمرد بنت۔ مزن وزیر ءَ گوشت کہ ما آ وھد ءَ ھمے سسا ساچ کتگ ات کہ اگاں مناں اللہ پاک ءَ موہ دات گڈا درستاں چہ پیسر پاکستان ءِ مردم آناں علاج ءِ آسراتی ءِ واستہ گامگیج کناں۔ گریب علاج ءِ وڈالاں وتی ھر چیز ءَ بھا ءُ سیم کن انت۔ مزن وزیر ءَ گوشت کہ آزات جموں کشمیر ءَ ہیلتھ کارٹ ءِ بنگیج ءِ پد ءَ من سک باز گل ءُ شات آں ایشی ءَ چہ آزات کشمیر ءِ 12 لکھ ھاندان آناں 300 ءَ چہ گیش جندی ءُ سرکاری ہسپتال آنی اندر ءَ علاج ءِ آسراتی پجاری بیت۔ آئی ءَ گوشت کہ منوگر پاکستان” ءِ اندر ءَ ھم پاکستان ءَ را اسلامتی گہبودی ریاست ءِ جوڑ کنگ ھوار ات پدا ھم ایشی ءَ چہ دور ءُ گستا شتگ آں، انوں یک رند ءِ پدا ما ھمے نیمگ ءَ جنزگ ءَ آں۔
