اسلام آباد۔18دسمبر (اے پی پی): مزن وزیر عمران خان ءَ گوشت کہ اوگان جیڈھ ءِ اچ اُردی گیواری بوت نہ کنت، اوگان جیڈھ ءِ گیواری اوگانی آنی سول ءُ تران ءِ وسیلگ ءَ بوت کنت۔ اوگان کار ءَ را ناکام جوڑ کنوک آں چہ ما ہوشیار بوھگ لوٹ ایت۔ توامیں اوگان پریک جنگ بندی بکن انت۔ آدینگ ءِ روچ ءَ مزن وزیر میڈیا کارگس ءِ نیمگ ءَ پریس ریلیز ءِ رد ءَ طالبان پولیٹیکل کمیشن ءِ دل ءَ ملا عبدالغنی برادر ءِ سروکی ءَ مزن وزیر ءَ گوں گند ءُ نند کت۔ گند ءُ نند ءِ ساھت ءَ اوگان ایمنی کار آنی ھوالگ ءَ دیمروئی ءُ دیم ءَ جنزگ ءِ ھوالگ ءَ ھیال ریچی کنگ بوت۔ مزن وزیر عمران خان ءَ اوگانستان ءِ جیڈھ ءِ اُردی گیواری نہ بوھگ ءِ ھوالگ ءَ وتی بن گپ ءِ درشان کت۔ آئی ءَ گوشت کہ پاکستان ءِ نیمگ ءَ ٹوھیں سیاسی ءُ دراج بُریں بنیات آنی گیواری ءِ واستہ یک شلی ءَ کمک جاڑی انت۔ مزن وزیر ءَ گوشت کہ ضلورت اے گپ ایگ انت کہ مارا اے رنگیں مردم آں چہ وتارا رکھینگی انت۔ مزن وزیر ءَ اوگانستان ءَ لٹ ءُ کُٹ جنگ ءُ چوپ آنی تہ ءَ گیشی آنی سر ءَ نہ وشی ءِ درشان کنان ءَ گوشت کہ توامیں پریک آناں سیز فائر ءِ واستہ کشاں چیل آنی تہ ءَ کمی آرگ لوٹ ایت۔ مزن وزیر ءَ گوشت کہ اوگانستان ءَ ایمنی ءُ برجائی معاشی دیمروئی ، دمگی سالمی ءُ رابطہ آنی واسستہ ارزشتی سہرا بنت ایش ناں ایوک ءَ اوگانستان بلکینگ ءَ سرجمیں پڑے ءِ واستہ سیت مند سہرا بنت۔ طالبان پولیٹیکل کمیشن ءِ ڈل ءَ پاکستان ءِ تر ءُ تاب اوگان کار آنی وسیلگ ءَ ایمنی، برجائی، یک مشتی، آزاتی ، وت مستری ءُ وشھالیں پاکستان ءِ در جنگ ءَ کمک کاری ءِ واستہ پاکستان ءِ ھک ءُ دلیں کوشست آنی بھر انت۔
