کوئٹہ۔ 18 دسمبر (اے پی پی) پاکستان کوسٹ گارڈ انا اسمگلنگ نا برخلاف چندی کارروائی۔ حب بوندے واری نا علاقہ غان 18 ہزار لیٹر ایرانی ڈیزل و 4 بیرل انجن آئل دوئی کرسا 4 بندغ ءِ دزگیر کرے۔ ترجمان کوسٹ گارڈ انا رداٹ جمعہ نادے آ پاکستان کوسٹ گارڈ بلوچستان نا علاقہ حب بوندے واری نا علاقہ غان 18 ہزار لیٹر ایرانی ڈیزل و 4 بیرل انجن آئل دوئی کرسا 4 بندغ ءِ دزگیر کرسا اوفتا کوزہ غان موٹرسائیکل و آئل ٹینکی ءِ تحویل اٹ ہلکونو وخت اس کہ ارٹ میکو کارروائی ٹی پاکستان کوسٹ گارڈ بلوچستان نا علاقہ ناکہ کھاری مسافر کوچ اٹ سوار مسافر اسے آن 1.45 کلوگرام چرس دوئی، اسمگلر دزگیر، ناکہ کھاری آئل ٹینکی آن 15 ہزار لیٹر ایرانی ڈیزل دوئی اسمگلر دزگیر، ناکہ کھاری و سپرہائی وے ٹی چیکنگ نا وخت آ 23 ہزار کلوگرام چھالیہ 4267 کلوگرام درملکی پچ و ایلو گڑاتے دوئی کریر، منشیات چھالیہ 4 عدد ٹرک آئل ٹینکی و 10 بندغ ءِ تحویل اٹ ہلسا مستی کانودی کارروائی نا بناءِ کرینو۔ ترجمان کوسٹ گارڈ پارے کہ ہلوک آ منشیات، چھالیہ و متفرق گڑاتا مالیت کم و ود 7 کروڑ روپئی نا لگ بھگ ءُ۔
