دبئی۔ 18 دسمبر (اے پی پی) وزیر خارجہ مخدوم شاہ محمود قریشی ابوظہبی ٹی شیخ زید گرینڈ مسیت نا دورہ ءِ کرے۔ وزیر خارجہ ڈل اتون اوار ابوظہبی نا گرینڈ مسیت اٹ جمعہ نا نماز ءِ خوانا۔ متحدہ عرب امارات اٹ پاکستان نا قونصل جنرل احمد امجد علی و ابوظہبی ٹی جوڑ پاکستانی سفارت خانہ نا ناظم الامور امتیاز احمد گوندل ئسک ہم وزیرخارجہ تون اوار ئسر۔ وزیر خارجہ مسیت اتون ملحق ایماندار شیخ زاید بن سلطان آل نہیان نا مزار آ ہم حاضری تس۔ اوایماندار راہشون نا دنیا نا چندی قوم تا نیام اٹ رواداری و پرامنی نا کلہو نا ذکر ءِ کرے۔ اوگرینڈ مسیت نا چندی بشخ آتے اُرا۔ شیخ زاید جامع مسیت نا ڈائریکٹر جنرل ڈاکٹر یوسف العبیدی وزیر خارجہ ءِ مسیت نا تاریخ و اونا جوڑ کننگ اٹ کاریم اٹ اتوک آ گڑا و فن تعمیر نا بابت معلومدار کرے۔ وزیر خارجہ دا عظیم مسیت نا تفنگ نا وڑ و فنی محاسن نا ستاءِ کرے۔

متعلقہ مضامینمصنف کی طرف سے مزید