اسلام آباد۔ 17 دسمبر (اے پی پی) چیئرمین سینیٹ محمد صادق سنجرانی سینئر صحافی طارق محمود ملک نا کزیت آ است ہسونی نا درشانی ءِ کرے۔ چیئرمین سینیٹ سینئر صحافی ایماندار طارق محمود ملک نا خاہوت تون ہڑزخواہی کرسا اللہ تعالیٰ آن ایماندار نا بخشش و درجہ غاتا بڑزی کن دعا کرے۔ تینا ہڑزخواہی کلہو اٹی چیئرمین سینیٹ ایماندار نا صحافتی خذمت آتے خراج عقیدت پیش کرسا پارے کہ ایماندار نا صحافت کن خذمت آتے مدام یات تخنگک۔ ڈپٹی چیئرمین سینیٹ سینیٹر سلیم مانڈوی والا ، قائد ایوان سینیٹ سینیٹر ڈاکٹر شہزاد وسیم، قائد حزب اختلاف سینیٹ سینیٹر راجہ محمد ظفرالحق ئسک ہم سینئر صحافی طارق محمود ملک نا کزیت آ است ہسونی نا درشانی ءِ کرینو۔ اوفک تینا ہڑزخواہی کلہو آتیٹی ایماندار نا خاہوت تون ہڑزخواہی نا درشانی ءِ کرسا اللہ تعالیٰ آن ایماندار نا بخشش و درجہ غاتا بڑزی و پدسلوک آتا صبر وجمیل کن دعا کریر۔
