اسلام آباد۔ 17 دسمبر (اے پی پی) وزیراعظم عمران خان نا کماشی ٹی قومی رابطہ کمیٹی سمال اینڈ میڈیم انٹرپرائزز نا دیوان اس اڈ ہلک۔ بنجائی وزیر خزانہ ڈاکٹر عبدالحفیظ شیخ، وزیر صنعت محمد حماد اظہر، خصوصی کمکار عثمان ڈار، چیئرمین زرکاری بورڈ، صنعت، کامرس، خزانہ، توانائی ، پٹرولیم و کانود ڈویژن نا سیکرٹریک، چیئرمین ایف بی آر، ڈپٹی گورنر اسٹیٹ بینک، کمشنر سیکورٹیز اینڈ ایکسچینج کمیشن آف پاکستان، سی ای او سمیڈا، ایم ڈی پبلک پروکیورمنٹ ریگولیٹری اتھارٹی و سینئر آفیسر آک دیوان اٹی ساڑی ئسر۔ ویڈیو لنک آن چیف سیکرٹری سندھ و گلگت بلتستان، پنجاب خیبرپختونخوا، بلوچستان، آزاد جموں و کشمیر نا سیکرٹریز صنعت، سی ای او ٹریڈ ڈویلپمنٹ اتھارٹی آف پاکستان ئسک ہم بشخ ہلکر۔ دیوان ءِ معلومدار کننگاکہ ایس ایم ایز ءِ مالی کمک فراوان کننگ کن غٹ شریدار آتون سلابت کننگ انگ ءِ۔ دا رداٹ ایس ایم ای فنڈ اس ہم قائم کننگک۔ ایس ایم ایز نا مون آ دننگ ناخاطر کانودی، انتظامی و ریگولیٹری ویل آتے زوت ایسر کننگ کن ہدف مقرر کننگانے۔
