اسلام آباد۔ 10مارچ (اے پی پی) پارلیمانی سیکرٹری خزانہ رانا محمد افضل خان قومی اسمبلی ئِ باوری ترفینے کہ پٹرول و بجلی نا نرخ آتیٹی پیسہ غاتا عنصر ئِ چٹفنگ کن حکومت گام گیج کیک وخت اس کہ اسمبلی نا باسک آتا پاننگ ئس کہ پیسہ غاتا ننا کرنسی تون وجود ہی چٹانے تو بجلی و پٹرول تون اوار ایلو گڑاتا نرخ آک پیسہ غاتیٹی انت اکن مقرر کننگک۔ جمعہ نا دے قومی اسمبلی ٹی وقفہ سوج آتیٹی ڈاکٹر نگہت شکیل خان نا سوج انا ورندی ٹی پارلیمانی سیکرٹری خزانہ رانا محمد افضل خان پارے کہ داوخت سٹیٹ بینک نا کڑزآک 2304ارب ئُ۔ اوپارے کہ حکومت ہراپرائز بانڈ ئِ جاری کیک اونا پیسہ غاک حکومت تون مریرہ۔ داڑآ سود انا کچ اٹی ردوبدل مریک۔ ثریا اصغر نا ضمنی سوج انا ورندی ٹی پارلیمانی سیکرٹری خزانہ رانا محمد افضل خان پارے کہ ہراتم ملک اسے نا معیشت اٹی گچینی بریک تو اونا چنکا کرنسی بے وقعت مریک۔ اکاﺅنٹنگ اٹی ٹک آتا نظام ئِ ہنداخاطران پٹرول نا نرخ پیسہ غاتیٹی ہم بریک۔ اگہ پیسہ غاتا وجود متو تو آئل کمپنیک ہم بایدے داہیت انا خیال ئِ تخر۔ نعیمہ کشور خان نا بجلی و پٹرول نا نرخ آتیٹی پیسہ غاتیٹی مقرر کننگ نا بابت سوج انا ورندی ٹی پارلیمانی سیکرٹری خزانہ رانا محمد افضل خان پارے کہ تعلقدار ادارہ غاتون ہیت کرسا پیسہ غاتے ٹی مقرر کروک آ نرخ انا بابت گام گیج کننگک۔
