اسلام آباد۔ 10مارچ (اے پی پی) مسلم لیگ (ن) نا راہشون راجہ خلیق انصاری پارینے کہ صوبہ سندھ انا شونداری فنڈ کرپشن نا گواچی مریک۔ ریڈیو پاکستان تون ہیت وگپ کرسا وزیراعظم محمد نواز شریف ٹھٹھہ، سجاول و ایلو علاقہ غاتا خستہ حالی ئِ خنسا بھاز فریشان مس و اونا ہریفنگ آ اودے پاننگاکہ ہندا پد تموک آ علاقہ غاتا شونداری فنڈ کرپشن نا گواچی مریک ہراڑآ او برہمی نا درشانی ئِ کرسا پارے کہ نن صوبہ نا شونداری کاریم تے اولیتی بنداو تیا کرفینہ۔ داوخت آ وزیراعظم محمد نواز شریف ٹھٹھہ ، سجاول و ایلو علاقہ غاتے گیس انا فراوانی کن 110 کروڑ روپئی، کنوئی ئُ صاف دیر انا فراوانی کن 20کروڑ روپئی، 5سد کٹ آتا ہسپتال ، ہیلتھ کارڈ و روڈ آتا جوڑ جاڑ تون اوار کیہی شونداری کاریم تا بناءکرفنگ نا پڑو کرے۔ اوپارے کہ ہند اپروگرام تا پوروی آن صوبہ سندھ انا پسماندہ علاقہ غاتا تقدیر بدلینگک۔
