اسلام آباد۔ 10مارچ (اے پی پی) مسلم لیگ (ن) نا راہشون بھون داس وزیراعظم محمد نواز شریف نا بیان کہ صوبائی حکومت سندھ انا الس کن کاریم کے یا کپئے نن کینہ، ئِ خراج تحسین پیش کرینو۔ ریڈیو پاکستان تون ہیت وگپ کرسا او پارے کہ وزیراعظم محمد نواز شریف نا ٹھٹھہ نا دورہ آن صوبہ سندھ انا الس اٹی احساس محرومی چٹانے۔ انتئے کہ او تینا علاقائی لیڈآتا دروغ نا وعدہ غاتیان دل برداشتہ مسنو۔ بھون داس پارے کہ وزیراعظم محمد نواز شریف دیر، بجلی، گیس ، روڈ آتا جوڑ جاڑ و جا ن جوڑی نا بنداوی السی ویل آتے ایسر کرفنگ نا پارت تسنے۔ اوپارے کہ وزیراعظم الس تون کروک آ وعدہ غاتے پورو کیک۔ اوپارے کہ وزیراعظم صوبہ سندھ انا پسماندی علاقہ غاتے پنجاب نا شونداری علاقہ غاتا بریبر سلفنگ خوائک، سندھ انا الس وزیراعظم ئِ بروک آ گچین کاری تیٹی ہم سرسہب کرفیرہ۔
