اسلام آباد۔ 10 مارچ (اے پی پی) مسلم لیگ (ن) نا راہشون سید ایاز علی شاہ شیرازی پارینے کہ وزیراعظم محمد نواز شریف ئِ صوبہ سندھ و اونا الس تون مابت ئِ ، او اوفتا است خواہی تیا پورو سلک۔ ریڈیو پاکستان تون ہیت وگپ کرسا اوپارے کہ وزیراعظم محمد نواز شریف کیہی وار ٹھٹھہ نا دورہ ئِ کرینے اونا پاننگ ئِ کہ اودے صوبہ سندھ و اونا الس تون مابت ئِ ٹھٹھہ اونا پسندانگا جاگہ ئِ ۔ سید ایاز علی پارے کہ ٹھٹھہ ، سجاول ، ٹنڈومحمد خان و بدین صوبہ سندھ انا ہمو پدتموک آ علاقہ غاک ئُ ہرافتیا صوبائی حکومت وخت اس ہم چکار تختنے و وزیراعظم پاکستان نا پاننگ ئِ کہ صوبائی حکومت سندھ انا پد تموک آ علاقہ غاتا گچینی کم کاریم کے یاکپئے او تینٹ داڑے شونداری کاریم نا ٹھیکہ ئِ ہرفک دارداٹ او الس کن5سد کٹ آتا ہسپتال ، گیس انا فراوانی ، روڈ آتا جوڑ جاڑ و ہیلتھ کارڈ آتا جاری کننگ تون اوار کیہی شونداری کاریم تا بناءکرفنگ نا وعدہ کرینے۔ اوپارے کہ صوبہ سندھ انا الس وزیراعظم محمد نواز شریف بھاز دوست تخرہ و اوڑتون اومیت آتے وابستہ کرینو و چارہ کہ وزیراعظم اوفتا است خواہی تیا پور و سلک۔ وزیراعظم ہرا وعدہ ئِ کیک اودے پورو کیک۔
