اسلام آباد۔ 10مارچ (اے پی پی) جماعت اسلامی نا امیر سینیٹر سراج الحق پارینے کہ سوشل میڈیا آ گستاخانہ خاکہ غاتیا عالم اسلام نا جوزہ غاک مجروح مسنو، اسلام آباد ہائی کورٹ مسلمان تا جوزہ غاتا ترجمانی ئِ کرینے، مردم شماری وخت انا گرج ہرانا بنداو آ ملکی پلاننگ و شونداری فنڈ تخنگک۔ پارلیمنٹ اٹی باسک آتا نیام اٹ جنگ جوان ئُ ہیت اس اف۔ ہڑتوم آ باسک آتا نیام اٹ اسپیکر بایدے مصالحت کے۔ جمعہ نا دے پارلیمنٹ ہاﺅس نا پیشن میڈیا تون ہیت وگپ کرسا اوپارے کہ ، سوشل میڈیا آ نبی کریم ؑ نا شان اٹی گستاخانہ لوز و خاکہ جوڑ کننگک ہراڑآ عالم اسلام نا جوزہ غاک مجروح مریرہ، اسلام آباد ہائی کورٹ مسلمان تا جوزہ غاتا سہی ترجمانی ئِ کرینے، دُن انگا خلقت نا برخلاف کارروائی کننگے۔ اوپارے کہ حکومت ئِ بایدے مرے کہ دُن انگا ویب سائٹ و کسرتے بند کننگ کن حکومت تینا زمواری ئِ پورو کے۔
