اسلام آباد۔ 10مارچ (اے پی پی) مسکوہی وزیر داخلہ سینیٹر رحمان ملک پارے کہ مردم شماری آ امنائی خوش آئند ئِ، ہراخلقت نا گڑتیک اریر اوفتے بایدے مر کننگے، اوغانستان تون بارڈر کنٹرول بھاز المی ئِ ، دنیا نا اسہ جاگہ اس ہم ملک اٹی بارڈر ئِ داوڑآجوہلنگپک، سوشل میڈیا نا بابت یو اے ای نا ماڈل ئِ بایدے تینا کننگے۔ جمعہ نا دے پارلیمنٹ ہاﺅس نا پیشن میڈیا تون ہیت وگپ کرسا اوپارے کہ مردم شماری نا بابت امنائی خوش آئندئِ۔ ولے ہرا خلقت نا گڑاس گڑتیک اریر اوفتے بایدے مر کننگے، گدرینگوک آ پانزدہ سال اٹی ملکی بجٹ بیدس مردم شماری و پلاننگ نا پیش کننگ انگ ئِ ، ملک انا آبادی نا لحاظ اٹ شونداری فنڈ و پلاننگ کننگک ہرافتے کن مردم شماری بھاز المی ئِ ۔ اوپارے کہ میڈیا مردم شماری نا بابت بایدے آگاہی مہم اس چلیفے ہراڑآن الس ئِ اونا فائدہ غاک معلوم مننگ کیر۔ اسہ سوج اسے نا ورندی ٹی اوپارے کہ اوغانستان تون بارڈر مینجمنٹ کنٹرول بھاز المی ئِ۔
