اسلام آباد۔ 10مارچ (اے پی پی) وزیر داخلہ چوہدری نثارعلی خان پارینے کہ اسیجائی چیلنج آتون مون تننگ کن المی ئِ کہ ملکی وت واجہی و قومی وقار آ آنچ بننگ آن بیدس پاکستان و امریکہ نا نیام اٹ کمکاری و اشراک ئِ پین ودفنگے۔ اوداہیت ئِ جمعہ نا دے داڑے امریکہ کن پندار سفیر اعزاز احمد چوہدری تون اوڑدہی ٹی پارے۔ وزارت داخلہ نا کنڈآن جاری بیان نارداٹ وزیر داخلہ امریکہ کن پندار سفیر اعزاز احمد چوہدری نا بطور سیکرٹری خارجہ پاکستان کن خذمت آتا ستائِ کرے۔ اوڑدہی ٹی پاک امریکہ تعلقداری و ڈیہہ ناحالیت آتیا خیال آتا درشانی کننگا۔ وزیر داخلہ پارے کہ اسیجائی چیلنج آتون مون تننگ کن المی ئِ ملکی وت واجہی و قومی وقار آ آنچ بننگ آن بیدس پاکستان و امریکہ نا نیام اٹ کمکاری و اشتراک ئِ پین ودفنگے۔ اوپارے کہ دہشت گردی کون آ اہم ویل انا ساڑی گری ٹی پاک امریکہ تعلقداری ٹی تناﺅ یا پوسکن آ آزموندہ غاتا روش اسیجائی مفاد آتا دوئیئِ نسخان رسیفنگ نا سوب جوڑ مننگ کیک۔ اوپندار سفیر تون مخاطب مرساپارے کہ پاکستان نا سفیر نا وڑاٹ اونا غٹ آن بھلا زمواری مریک کہ پاکستان نا پالیسی و نقطہ نظر امریکی ایوان، ادارہ و شخصیت آتسکان گچین وڑاٹ سرکے ہراک پاکستان آ تنقید ئِ تینا وطیرہ جوڑ کرینو۔
