اسلام آباد۔ 10 مارچ (اے پی پی) بنجائی وزیر ہاﺅسنگ و تعمیرات اکرم خان درانی پارینے کہ دہشت گردی نا ہر واقعہ ئِ مدرسہ غاتون گنڈنگ مناسب اف، درونا واقعہ غا شرمندہ اُن ہراپارٹی نا سروک جلسہ غاتیٹی جنگ و جھیڑہ و کرینگ نا تربیت کیک تو کارندہ غاک ہندن ہی کیرہ ۔ جمعہ نا دے پارلیمنٹ ہاﺅس نا پیشن میڈیا تون ہیت وگپ کرسا اوپارے کہ بنجائی وزیر داخلہ چوہدری نثارعلی خان نا سوشل میڈیا نا بابت بیان آن متفق ئِ۔ اوپارے کہ ملک اٹی دہشت گردی نا ہر واقعہ ئِ مدرسہ غاتون گنڈنگ مناسب اف گڑاس خلقت بیان ترسا ملک اٹی بدامنی نا فضاءودی کننگ ئُ۔ اوپارے کہ اسپیکر بایدے داوڑنا واقعہ غاتا دمدستی نوٹس ئِ ہلے۔اسہ سوج اسے نا ورندی ٹی اوپارے کہ پاناما کیس انا سماعت پورو مسنے و داسہ عدالت عظمیٰ نا فیصلہ نا انتظار ئِ کننگے۔
