مردم شماری نا وخت آ آئی ڈی پی تا رجسٹریشن نا ویل ئِ مولانا فضل الرحمان و حاجی شاہ جی گل آفریدی تون اواری اٹ تولسا ایسر کیر
اسلام آباد۔ 10مارچ (اے پی پی) ڈپٹی اسپیکر قومی اسمبلی مرتضیٰ جاوید عباسی مردم شماری نا وخت آ آئی ڈی پی تا رجسٹریشن نا بابت وزارت خزانہ ئِ پارت کرینے کہ او مولانا فضل الرحمان و فاٹا نا پارلیمانی لیڈر حاجی شاہ جی گل آفریدی تون اواری اٹ تولسا دا ویل ئِ ایسر کے۔ جمعہ نا دے قومی اسمبلی ٹی مولانافضل الرحمان پارے کہ داوخت اسکان بھاز انگا آئی ڈی پی تینا اُراتیا پدی ہِننگ کتنو۔ گچین کاری حلقہ بندیک ہم پوسکن آ مردم شماری نا رداٹ مروئی ئِ اگہ اوفتا رجسٹریشن تینا باوہ و پیرہ ہی آ حلقہ غاتیٹی متو تو داڑآن ویل آک ودی مریرہ ۔ داخلقت ئِ اوفتا باوہ پیرہ ہی حلقہ غاتیٹی مردم شماری ناحق تننگے۔ ڈپٹی اسپیکر مرتضیٰ جاوید عباسی پارے کہ پارلیمانی سیکرٹری خزانہ دا معاملہ غا مولانا فضل الرحمان و فاٹا نا پارلیمانی لیڈر حاجی شاہ جی گل آفریدی تون اواری اٹ تولسا ویل ئِ ایسر کیر۔
