اسلام آباد۔ 09مارچ (اے پی پی) بنجائی وزیر ڈٹ بندی ، شونداری و اصلاحات احسن اقبال پارینے کہ پائیدار شونداری نا ہدف آتا دوئی ٹی ہندی حکومت آتا نمائندہ غاتا کڑد بھاز اہمیت تخک، 2025ء اسکان پاکستان ءِ دنیا نا 25می بھلا معیشت و ایشین ٹائیگر جوڑ کننگ کن ساڑی حکومت اولیتی گام گیج چست کننگ ءِ ہراڑکن ہندی حکومت آتے ہروڑ اختیار گدریفنگ انگ ءِ۔ داخیال آتا درشانی ءِ او پنچ شنبے نا دے پائیدار شونداری نا ہدف آتا دوئی نا بارواٹی ہندی حکومت آتا کانفرنس آن تران کرسا کرے۔ بنجائی وزیر پارے کہ 17می صدی ٹی یورپ و دیکی ٹی انقلاب بس و کشت وکشار نا روایتی وڑوڈول آتا جاگہ ءِ مشین ہلک وخت اس کہ 21می صدی ٹی صنعتی شونداری نا متکن آ فارمولاءِ چٹفنگا ، کشت وکشار و مشین نا جاگہ ءِ ڈیجیٹل ٹیکنالوجی ہلک۔ اوپارے کہ علم آن محروم قومک پدی وخت اس کہ جدت ءِ تینا کروک آ قومک مون آ ہِننگ ءُ۔ اوپارے کہ وسیلہ غاتا غیر زموار انہ کاریم اٹ اتنگ نا سوب ویل ودی مسنے۔
