ٹھٹھہ نا الس تون مابت نا رشتہ ءِ پورو کینہ
ٹھٹھہ۔ 09مارچ (اے پی پی) وزیراعظم محمد نواز شریف ٹھٹھہ ٹی لس جلسہ آن تران کرسا ٹھٹھہ نا الس نا خواست آتیان زیات اوفتے کن پڑو کرے، وزیراعظم نا پڑو تا زبردست خیرمقدم ءِ کریر و جلسہ گاہ پبی تالی و نعرہ غاتیان توار اس تالان مس۔ پنچ شنبے نا دے لس جلسہ آن تران کرسا وزیراعظم پارے کہ او ٹھٹھہ غا برسا بھاز خوش ءِ او الس نا کنڈآن والہانہ مابت نا درشانی آ پارے کہ او ٹھٹھہ نا الس تون مابت نا رشتہ ٹی تفوک ءِ و اوفتے تون سنگتی و مابت ءِ پورو کیک۔ وزیراعظم ٹھٹھہ، سجاول و ٹنڈومحمدخان کن جان جوڑی کارڈ آتا جاری نا پڑو ءِ کرے تو الس پرجوش وڑاٹ تالی خلکر و نعرہ بازی کریر ہراڑآ وزیراعظم پارے کہ داسکان نمے پین ہم ٹیکی تروئی ءِ۔ وزیراعظم ٹھٹھہ کن 500 کٹ آتا ہسپتال، کیہی خلق آتے بجلی و گیس انا فراوانی کن کروڑ آ روپئی تا فنڈ انا ہم پڑو ءِ کرے۔ وزیراعظم پارے کہ اخس خلق آتے پارے بجلی تننگ نا وعدہ کیوہ۔
