ٹھٹھہ۔ 09مارچ (اے پی پی) وزیراعظم محمد نواز شریف نا ٹھٹھہ نا مکلی گراؤنڈ نا جلسہ گاہ بننگ آ شاندار استقبال کننگا۔ پنچ شنبے نا دے وزیراعظم محمد نواز شریف ، گورنر سندھ محمد زبیر، بنجائی وزیر ریلوے خواجہ سعد رفیق، سینیٹر نہال ہاشمی، سینیٹر سلیم ضیاء، مسلم لیگ (ن) نا سینئر راہشون اسماعیل راہو تون اوار جلسہ گاہ غا سرمس تو الس اوفتے جم و جوش اٹ بخیر کریر۔ داوخت آ خیر مقدمی نعرہ خلنگا ہرافتا وزیراعظم دوتے سرفسا ورندی ءِ تس۔ وزیراعظم و اوڑتون اوار بروک آ ایلو مہمان تے علاقہ نا روایتی اجرک ہم بیرفنگا۔ شفقت شیرازی علاقہ نا الس نا نمائندگی ءِ کرسا سپاسنامہ ٹی السی خواست آتے پیش کرے۔ داکان مست وزیراعظم ٹھٹھہ غا سرمس تو ہیلی پیڈ آ شیرازی برادران و علاقہ نا سرکڑدہ غاک اودے بخیر کریر۔
