اسلام آباد۔ 09 مارچ (اے پی پی) اسپیکر بلوچستان اسمبلی راحیلہ درانی پارینے کہ تعلیم نا دوئی آن ہی بڑزکو ہند اس دوئی کننگ مریک۔ ریڈیو پاکستان تون ہیت وگپ کرسا اوپارے کہ اینو ای ہرا ہند آٹی اُٹ او کنا لمہ و باوہ نا خواری و تعلیم نا سوب آن ءِ۔ اوپارے کہ نیاڑی تے بایدے مرے کہ او تعلیم ضرور حاصل کیر اوکان پد اوکاریم اس کننگ خوارہ تو اوفتا مرضی ورنہ چناتے تعلیم نا زیور آن آراستہ ضرور کیر انتئے کہ تعلیم ہی ہمو اسٹ انگا ذریعہ ءِ ہراڑآن نم تینا اسلامی و راجی حق آن آگاہی حاصل کیرہ۔ اسپیکر بلوچستان اسمبلی پارے کہ ساڑی حکومت پدریسہ نیاڑی تا حق اکن کانود سازی کننگ ءِ و داوخت انا اہم گرج دا کانود ءِ عملی وڑاٹ موثر جوڑ کننگ نا ءِ۔ اوپارے کہ ننا نبی پاک ﷺ ہم کم و ود 1400 سال مست نیاڑی تے حق تس و نیاڑی تے تعلیم تننگ نا حکم تس، ننے بایدے مرے کہ نن داحکم آتیا عمل کین۔
