اسلام آباد۔23نومبر (اے پی پی): مزن وزیر ءِ مشیر برائے ھزانگ ڈاکٹر عبدالحفیظ شیخ ءَ صوبائی حکومت ءُ توامیں سیادی داروکیں کارندہ آناں نیاد “پرائس” آنی گر ءُ دار ءِ واستہ زوتیں ءُ مھکمیں گامگیج چست کنگ ءِ پنت ءپ شون کتگ۔ آئی ءَ صوبائی حکومت آںی نماھند آناں ہول سیل ءُ ریٹیل ءِ تک ءَ سیت ءِ کساس آنی تہ ءَ کمی آرگ ءُ وردن ءُ وراکی سامان آنی نیاد آناں لس مردم آناں پجاری کنگ ءِ گامگیج ءَ را نزیک ءَ گوں نگرانی کنگ ءِ پنت ءُ شون ھم کتگ۔ آئی ءَ اے گپ نیشنل پرائس مانیٹرنگ کمیٹی ءِ دیوان ءِ سروکی ء۔ کنان ء۔ کت۔ آئی ءَ دو شمبے ءَ ادا برجم بوھوکیں دیوان وزیر ءِ صنعت ءُ پیداوار حماد اظہر، مزن وزیر ءِ مشیر برائے تجارت عبدالرزاق دائود، ھاسیں کمکار برائے محصولات ڈاکٹروقارمسعود، سیکرٹری ھزانگ، سیکرٹری نیشنل فوڈزسیکورٹی، سیکرٹری صنعت ءُ پیداوار، سیکرٹری تجارت، چئیرمین ٹریڈنگ کارپوریشن آف پاکستان، چئیرپرسن مسابقتی کمیشن ءُ منیجنگ ڈائرئکٹریوٹیلیٹی سٹورز ساڑی اتنت وھدیکہ صوبائی چیف سیکرٹریز آں ویڈیو لنک ءِ وسیلگ ءَ بھر زوری کت۔ دیوان ءَ آرت، گندم شکر، ٹماٹر، پیماز، روگن، ناروشت گرادگی ٹیل، آلو مرگی گوشت، ءُ ایندگر وردن ءُ وراکی المی ایں سامان آنی نیاد آنی ھمک ھپتگی بنیات آنی پد ءَ چار ءُ تپاسی گرگ بوت، سیکرٹری ھزانگ ءَ دیوان ءَ شریکیں مردم آناں نیاد آنی بابت ءَ بریفنگ دیان ءَ گوشت کہ پاکستان ءَ بیورو ءُ برائے شماریات ءِ ھساب ءُ داد آنی رد ءَ آرت، شکر ءُ پیماز ءِ نیاد ءِ تہ ءَ کمی ءُ ٹماٹر ، آلو ءُ مرگی گوشت ءِ نیاد ءَ را ھمروچ گیش گییش کنگگ ءَ را گر ءُ دار کنگ یوٹیلیٹی سٹور کارپوریشن ءِ ایم ڈی ءَ کمیٹی ءَ را گوشت کہ سرجمیں ملک یوٹیلیٹی سٹور آنی توک ءَ شکر ءُ آرت ءِ سٹاک است انت ءُ شہری الس آناں سستائیں ریٹ ءَ پجاری کنگ بوھگ ءَ انت۔
