اسلام آباد۔09مارچ( اے پی پی) مزن گسی سیکرٹری ھزانگ رانا افضل ءَ گشتگ کہ سندھ ءِ اُلس ءِ دیریگیں واھشت ءِ سرءَ مزن وزیر صوبہ ءِ ترءُ تابءَ کنت، سوئس بینک آنی تہا پاکستانی آنی پیسہ آنی ھوالگ ءَ معلوم داری ءِ پھجارینگ ءِ من ءُ گرءِ سرءَ تپاک کنگ بوتگ۔ پنچ شمبے ءِ روچءَ مزن گس ءَ ڈں ءَ ھال در ءِ گوما گپ ءُ تران کنانءَ آئی ءَ گشتگ کہ مزن وزیر پاکستان سندھ ءِ اُلس ءِ دیریگیں واھشت ءِ پد ءَ ٹھٹھہ ءَ رؤت ءُ سندھ ءِ مردماناں وشیں ھالے سربیت ۔ آئی ءَ گشتگ کہ پنجابءَ آھگءَ مہ بلاول ءَ را وش اَتک کتگ بوتگ ، مزن وزیر سندھ ءِ اُلس ءَ ر ا وشیں ھالے دیئنت کہ سوئس بینک آنی تہا پاکستانی آنی بلیک منی ءِ ھوالگ ءَ آھودے یک ادارگے ءِ پاکستان باسک اِنت کہ ایشی ءَ چہ نوں پاکستان 90ملک آنی لڑ ءِ تہا ھوار بوتگ اے ادارگ سوئس بینک آنی ایر پاکستانی پیسہ آنی ھوالگءَ معلوم داری دنت۔ رانا افضل ءَ گشتگ کہ بے شرپ ءُ بے ادبیں موادءِ سرءَ مزن آمید ءُ شاہ آمید گس ءَ نوٹس زُرتگ۔
