فیصل آباد۔ 18 نومبر (اے پی پی) وزیراعظم عمران خان چارشنبے نانیمروچ آ پولیس کمپلیکس لائلپور ٹاؤن، کشمیر پل انڈر پاس فیصل آباد و کیلیگرافی نا نمائش نا بناءِ کرے۔ وزیراعظم نا کنڈآن ہندا ڈٹ آتا بناءِ اسہ ہندی ہوٹل اسے ٹی اڈ ہلوک آ پروقار دوداسے ٹی کننگا۔ داوخت آ وزیراعظم ءِ پاننگاکہ پولیس کمپلیکس لائلپور ٹاؤن فیصل آباد نا تفنگ ءِ 145.246 ملین روپئی نا خڑچ آن 20 جنوری 2016ء ٹی بناکننگا ہراڑآ 95 درسد آن زیات کاریم پورو مسنے و دا ڈٹ 31 دسمبر 2020 اسکان ایسر اسکان سرمریک۔ وزیراعظم ءِ پاننگاکہ کشمیر پل انڈر پاس کینال روڈ فیصل آباد نا ڈٹ ءِ 1280.209 ملین روپئی نا خڑچ آن 20 مارچ 2018 آ نیشنل لاجسٹک سیل انا کمک اٹ بناکننگا ہرانا 85 درسد آن زیات کاریم ءِ پورو کننگانے و ایلو کاریم ءِ 31 دسمبر 2020 ء اسکان پورو کرسا اودے ہروڑنا ٹریفک کن ملنگک ہراڑآن شاری تے سگنل فری کینال روڈ آن ایکسپریس وے و موٹروے اسکان رسینگ اٹ بھاز آسانی مریک۔ اوکان پد وزیراعظم ہفتہ شانِ رحمت اللعالمین صلی اللہ علیہ و آلہ وسلم نا چرجوئی ٹی ملک انا پنی آ مصور محمد قمر سلطان و نثار احمد نا کیلیگرافی نا فن پارہ غاتا نمائش نا بناءِ ہم کرے۔ کیلیگرافی نمائش اٹی بھلو کچ اسے ٹی قرآنی خطاطی تون اوار ایلو بے کچ نادر و نایاب فن پارہ غاتے نمائش کن تخنگا ہرافتے ٹی رنگ آتا قوس قزح ءِ بھاز دلکشی و زیبائی و نفاست اتون کینوس آ تالان کننگاسس۔ داوخت آ وزیراعظم ہندا فن پارہ غاتا جوڑ کروک مصور آتے شاندار لوز آتیٹی خراج تحسین ہم پیش کرے۔ دود آتیٹی گورنر پنجاب چوہدری محمد سرور، وزیراعلیٰ پنجاب سردار عثمان بزدار، بنجائی وزیر اسد عمر، حماد اظہر،چیف سیکرٹری جواد رفیق ملک، انسپکٹر جنرل پولیس پنجاب انعام غنی،صوبائی وزیر صنعت میاں اسلم اقبال، صوبائی وزیر پبلک پراسیکیوشن چوہدری ظہیرالدین خان،صوبائی وزیر وزیر اعلیٰ معائنہ ٹیم پنجاب محمد اجمل چیمہ، صوبائی وزیر ایکسائز اینڈ ٹیکسیشن اینڈ نارکوٹکس کنٹرول حافظ ممتاز احمد،بنجائی و صوبائی وزیر آک ،پارلیمانی سیکرٹری ریلوے میاں فرخ حبیب،چیئرمین قومی اسمبلی قائمہ کمیٹی خزانہ فیض اللہ کموکا،ایم این اے شیخ خرم شہزاد،قومی اسمبلی نا باسک آک راجہ ریاض،نواب شیر وسیر،چیئرمین ایف ڈی اے و ایم پی اے لطیف نذر،چیئرمین پی ایچ اے و ایم پی اے میاں وارث عزیز، پارلیمانی سیکرٹری لیبر میاں شکیل شاہد،صوبائی اسمبلی نا باسک میاں خیال کاسترو،فردوس رائے،علی اختر،عادل پرویز گجر،عمر فاروق، کمشنر فیصل آباد ڈویژن ثاقب منان، ریجنل پولیس آفیسررفعت مختار راجہ، ڈپٹی کمشنر فیصل آبادمحمد علی، سی پی او محمد سہیل چوہدری و ایلو اہم بندغ آک ہم ساڑی ئسر۔
