اسلام آباد۔08مارچ( اے پی پی) راجی ءُ سماجی اقتصادی رجسٹری ( این ایس ای آر) یک راجی میراث اِت کہ ایشی ءَ را سماجی، دیم روئی ، جان ءُ سلامتی ، وانگءُ زانگ ءُ بحالی ءُ مائیکروفنانس ءِ 50ءَ چہ گیش ادارگ وتی پلاحی ءُ دیم روئی گامگیجانی منصوبہ بندی ءِ ھاترءَ کارمرز کنگءَ اَنت۔ بی آئی ایس پی شریداری ءِ وسیلگ ءَ دیم روئی ءِ سرءَ باور کن اَنت ءُ ڈیٹا ءِ کمک ءِ ھوالگءَ چہ آزاتیں پالیسی جوڑ کن اَنت۔ بی آئی ایس پی سرکاری ، وت واجہ، پرائیویٹ ءُ میاں اوستمانی ادارگانی ڈیٹا اشتراک کنگءَ اِنت ءُ انوگیں حکومت ءِ گوستگیں سئے سالانی تہا ایشی ءِ تہا باز گیشی بوتگ۔ اے ھیالانی درشانی وزیر ءُ چیئرپرسن بی آئی پی، ایم این اے ماروی میمن ءَ بی آئی ایس پی ہیڈ کوارٹر ءَ ڈیٹا شیئرنگ ءِ ھوالگءَ کتگ۔
