اسلام آباد۔08مار چ( اے پی پی) پاکستان چار شمبے ءِ روچءَ اوگانستانءِ بنجاھی حکومت کابل ءَ فوجی نادراھ جاھ ءِ سرءَ بوتگیں ناشرکاری اُرشءَ را سک باز ایر جتگ ءُ اے اُرشءِ تہا بیران بوتگیں مردمانی ھاندانانی گوما دلپدردی ءِ درشانی کتگ۔ چارشمبے ءِ روچءَ دری کارانی کارگس ءِ جارچین نفیس ذکریا ءِ نیمگ ءَ چہ جاری یک بیانے ءِ ردءَ پاکستان ءَ چارشمبے ءِ رو چءَ کابل ءَ فوجی نادراھ ءِ سرءَ ناشرکاری اُرش ءَ را سک باز ایر جتگ ءُ بیران بوتگیں مردمانی ھانداناں گوں دل ءِ جہلانک ءَ دلپدردی ءِ درشانی کتگءُ ٹپیانی زوتءُ سلامتی ءِ ھاترءَ دعا لوٹ اِتگ۔ جارچین ءَ گشتگ کہ پاکستان ھرچ وڑیں ناشرکاری ءَ را ایر جنت ءُ اے ھوالگءَ ناشرکاری ءِ نعلت ءَ ھلاس کنگءِ ھاترءَ اوگان حکومت ءُ میاں اوستمانی براتی ءِ گوما کمک جاری دارگءِ جزم ءَ کنت۔
