اسلام آباد۔ 17 نومبر (اے پی پی) وزیر خارجہ مخدوم شاہ محمود قریشی پارینے کہ مچ آ دنیاٹی بے سگی آن چپ پاکستان اٹی اقلیت آتا حق انا رکھ و راج اٹی رواداری ءِ مون آ دننگ انگ ءِ۔ آئین پاکستان اٹ اقلیت آتے بریبر نا حق دوئی ءِ۔ کرتارپور راہداری ءِ ملنگ ہم آہنگی و پرامن بقائے باہمی کن پاکستانی عزم انا عکاس ءِ۔داہیت ءِ او سے شنبے نادے آ سگ انا جہانی دے انا چرجوئی ٹی وزارت خارجہ ٹی اڈ ہلوک‘‘ ساڑی آ دوراٹی رواداری نا اہمیت’’ نا سرحال آ اسہ مذاکراہ سے آن تران کرساپارے۔ وزیر خارجہ پارے کہ ہندن ءُ وخت اسے ٹی ہراتم جہانی کہول آ بے رواداری نا رجحان آتیٹی ودکی مننگ ءِ، پاکستانی پارلیمنٹ اٹ عیسائی، ہندو، سکھ و ایلو اقلیت آتا نمائندگی جہانی کہول آ رواداری ءِ مون آ دننگ آن بیدس پاکستان اٹ بین المذاہب ہم آہنگی و بقائے باہمی نا کلہو تسنے۔ اوپارے کہ بنداوی انسانی حق انا فراوانی آن انکار نا سوب آن ویل آک ودنگ ءُ۔ وخت اتون جمہوری قدر سوگو مننگ ءِ۔ تحمل و سگ انا مون آ دننگ کن راجی ہم آہنگی المی ءِ۔ وزیر خارجہ پارے کہ کوویڈ۔ 19 دینی مرض انا ساڑی آ حالیت آتیٹی ہراڑے مخلوق مچ آ دنیاٹی بے رکھ محسوس کننگ ءُ، دامشکل وخت اٹی رواداری و صبر و تحمل ءِ مون آ دننگ بھاز المی ئس۔ وزیر خارجہ پڑوسی ملک انا حوالہ ءِ ترسا پارے کہ ہموڑے بے رواداری، انتہاپسندی ترندی آٹے و پوسکن آ امتیازی کانود نا کمک اٹ اقلیت آتا حق ءِ کُننگ انگ ءِ۔
