اسلام آباد ۔ 08 مارچ (اے پی پی) بُنجاھی وزیر منصوبگ بندی ئُُ دیمروئی احسن اقبال ئَ گوشت کہ چین پاکستان اقتصادی راہداری ئَ چہ پاکستان ئَ معاشی آشوب کئیت، حکومت 2025ئَ تاں پاکستان ئَ را دُگنیا ئِ بیست ئُُ پنچ مھکم تریں ملک آنی لڑ ئَ ھوار کنگ ئِ شور بندی ئَ کنگ ئَ اِنت۔ اے ھیالانی درشانی آئی ئَ اھوالکار آں گوں تران کنان ئَ کُت اَنت۔ بُنجاھی وزیر ئَ گوشت کہ اے منصوبگ آں چہ دُگنیا ئِ گوما سرمایہکاری ئُُ تجارت گیش مھکم بیت۔ شور بندی ئِ وزیر احسن اقبال ئَ گوشت کہ چین پاکستان اقتصادی راہداری ئِ چیر دستی ئَ ادارکی، لُک ئُُ دراج بریں منصوبگ آنی سرجمی ئَ چہ پاکستان ئَ معاشی آشوب کئیت۔ آئی ئَ گوشت کہ اے منصوبگ ئَ چہ دُگنیا ئِ گوما سرمایہ کاری ئُُ تجارت ئِ سیادی مھکم بوھگ ئَ کمک رسئیت۔ احسن اقبال ئَ گوشت کہ حکومت 2025ئَ تاں پاکستان ئَ را دُگنیا ئِ 25بیست ئُُ پنچ مھکم تریں ملک آنی لڑ ئَ ھوار کنگ ئِ شور بندی ئَ کنگ ئَ آں ۔ بُنجاھی وزیر ئَ گوشت کہ ھاٹیگ ئِ شوبگ ئَ 75درسد سرمایہ کاری جندی شوبگ ئِ وسیلگ ئَ کنگ بوھگ ئَ اِنت۔ وھدیکہ دگ ئُُ ایندگہ منصوبگ آسانیں شرت آنی وام ئِ زورگ ئَ سرجم کنگ بنت۔
