اسلام آباد۔ 08 مارچ (اے پی پی) سوشل میڈیا ئَ دروگیں اکس ئِ وسیلگ ئَ ٹوھیں مردم آناں کم شرپ کنگ ئِ جیڈھ ئِ ایف آئی اے ئِ رپوٹ وزیر ئِ تہی کار ئَ پیش کُت۔ چار شمبے ئِ روچ ئَ وزارت ئِ تہی کار ئِ نیمگ ئَ چہ جاڑی بوتگیں اھوال آنی رد ئَ چوہدری نثار علی خان ئَ گوشت کہ لوٹیتگیں اھوال آنی سر نہ بوھگ اپسوزی گال ات، اے رد ئَ حکومت امریکہ ئَ گوں رابطہ ئَ اِنت بلے انچو سما بیت کہ سوشل میڈیا آزاتی ئِ درشان ئِ رد ئَ آزاتی ئَ گوں دروگ برگ ئِ سر ئَ کار کنگ ئَ اِنت۔ تہی کارآنی وزیر ئَ گوشت کہ فیس بک انتظامیہ ئُُ امریکہ ئِ کارندہ ئِ نیمگ ئَ اے جیڈھ ئَ را اِچ دلگوشی نی دیگ ئِ سبب ئَ سک باز اپسوزی گال اِت۔ آئی ئَ گوشت کہ در ملکی کمپنی ئِ پالیشی یا آزاتی ئِ درشان ئِ رد ئَ ملک ئِ ٹوھیں کارندہ آناں شکیگ کنگ ئِ اجازت دیگ نہ بیت ئُُ ناکہ سوشل میڈیا ئِ وسیلگ ئَ اے ھک ئَ دروگ ، بھتان ئُُ ایرادگری کنگ ئِ موہ ئَ دیاں۔ تہی کارانی وزیر ئَ گوشت کہ وزارت ئِ تہی کار آیوکیں سئے روچ ئَ پی ٹی اے ئِ شور ئُُ سلاھ ئَ پد سوشل میڈیا ئِ وسیلگ ئَ ایشی ئِ گر ئُُ دار ئِ ھوالگ ئَ جوانیں گامگیج سہرا کنت۔
