اسلام آباد۔08مارچ( اے پی پی) ملکءِ صدر ممنون حسین ءَ گشتگ کہ پاکستانی زالبولاں وتی جدوجہد ءُ لائکی ءِ بنیات ءَ زندءِ ھمک پڑ ءَ جوانیں سوبمندی حاسل کتگ، آ باندات ءَ ھم گیش جوان تریں کارءُ کردپیلو کن اَنتءُ ملک ءُ راج ءِ نام ءَ روژناھ کن اَنت۔ 8مارچ ءَ زالبولانی میاں اوستمانی روچءِ درگتءَ وتی کلوھ ءِ تہا آئی ءَ گشتگ کہ زالبولانی میاں اوستمانی روچءِ درگتءَ سرجمیں دگنیاءُ ھاس پاکستانءِ زالبولاں مراد بات پیش کنی ۔ پاکستانی زالبولاں گوستگیں سالانی تہا بے مٹیں جدوجہد کتگ ءُ وتی پجاّر جوڑ کتگ ءُ جوانیں سوبمندی ھاسل کتگ، من اُمیت کنی کہ آؤکیں سالاں پاکستانی زالبول گیش گہتریں کارءُ کردپیش داریت ءُ ملک ءُ راجءِ نامءَ روژناھ کنت۔ صدرءَ گشتگ کہ مارا اے گپ سدّکی دنت کہ زالبولاں وت واک کنگ ءَ پاکستانءَ تاں انوں جوانیں گامیگج کتگ میاں اوستمانی تک ءَ اے گپ پدر اِنت۔
