ا سلام آباد۔08مارچ( اے پی پی ) مزن وزیر محمد نواز شریف ءَ گشتگ کہ پاکستان ءِ حکومت زندءِ ھمک پڑ ءُ ھمک تک ءُ پھناتاں زالبولاناں دیم روئی ءُ شریداری ءِ تہا ھوار کنگءِ ھا ترءَ کار کنگءَ اِنت، زالبولاں باپار، آئی ٹی، سائنس ءُ ٹیکنالوجی م، علم ءُ زانت ءُ سیاحت وڑیں پڑ آں مزنیں کساسے ءَ سوبمند بوتگ اَنت ءُ حکومتی تک ءَ بازیں میاں اوستمانی گلانی تہا مزنیں عہدگانی سرءَ اَتکگ اَنت۔ اے گپ آئی ءَ زالبولانی میاں اوستمانی روچءِ درگت ءَ وتی کلوھءِ تہا گشتگ۔ مزن وزیر ءَ گشتگ کہ مہ درس میاں اوستمانی براتی یک جاھ زالبولانی میاں اوستمانی روچءَ گوازینگ ءَ اَنت۔ اے روچءِ سرھال چینجنگ ورلڈ آف ورک،کرہ ارض 2030ءَ تاں 50-50اِنت ۔ مزن وزیر ءَ صنفی برابری ، زالبولاں وت واک کنگ ءُ انسانی ھکانی نوکیں ءُ انوگیں جارانی سرءَ اثر مندیں عمل کنگءِ ھاترءَ 2030ءِ ایجنڈےءِ سرءَ گشادی ءَ کار کنگءِ ضلورت ءِ سرءَ زُور پِر داتگ۔ آئیءَ گشتگ کہ آئین پاکستان زالبولاں یک کچ ءَ ارزشت دنت، آرٹیکل 18ءِ ردءَ زالبولاناں ھمک پڑ ءِ تہا کار کنگءِ ھق دیئگ بوتگ وھدے کہ آرٹیکل 25ءِ تہا برابری ءُ جوانیں سلوک کنگءِ سرءَ زور پِر دیئگ بوتگ۔ آئی ءَ گشتگ کہ پاکستان زالبولانی دیم روئی ءِ ھاترءَ میاں اوستمانی جزم ءِ ھوالگءَ سرجم ءَ عمل کنگءَ اِنت، حکومت پاکستان ءَ انسانی ھقانی ھپت بنکی کنونشن ءِ توثیق کتگ کہ ایشی ءِ تہا زالبولانی ھلاپ ءَ ھرچ وڈی زُلم ءِ ھلاسی کنونشن ءِ تہا ھوار اِنت۔
