اسلام آباد۔ 08 مارچ (اے پی پی) دفاعی جاچکار میجر جنرل (ر) فاروق ملک پارینے کہ اوغانستان اٹی ساڑی گڑاس واک آک پاکستان ئِ نزور کننگ خوارہ۔ ریڈیو پاکستان تون ہیت وگپ کرسا اوپارے کہ پاکستان ہندن ئُ ملک اسے ہرابرادر اسلامی ملک اوغانستان کن قربانی تس و اوغان مہاجر آتے سیبو تس۔ اوپارے کہ اوغانستان نا تہٹی بھازانگا دھڑہ غاک اریر و تہہ نا حالیت آک ہم پرامن افس ولے اوغانستان اٹی گڑاس ہندن ئُ واک ہم ارے ہرا پاکستان ئِ نزور کننگ خوارہ۔ میجر جنرل (ر) فاروق پارے کہ اوغان حکومت ئِ دہشت گرد آتا سیم پار ہن و بر ئِ توننگ کن کوشست و دہشت گردی نا چٹفنگ کن پاکستان تون اواری اٹ کاریم کننگ نا گرج ئِ۔ مہمند ایجنسی ٹی سیکورٹی فورس آتا چوکی تیا جلہو نا مذمت و است ہسونی نا درشانی ئِ کرساپارے کہ دا جلہو لغوری کارروائی اسے و آرمی چیف صفا وڑاٹ پارے کہ پاکستان نا برخلاف ہر بیدادی ئِ سگنگ پننگک۔
