اسلام آباد۔ 08 مارچ (اے پی پی) پنی چاہندار معاشیات ڈاکٹر شاہد حسن صدیقی پارینے کہ وزیراعظم محمد نواز شریف چین اتون اوار ڈیہہ نا ایلو ملک آتون ہڑتوم آکنڈآتا تعلقداری تے سوگو جوڑ کننگ کن ہروڑنا کوشست کننگ ئِ۔ ریڈیو پاکستان تون ہیت وگپ کرسا اوپارے کہ بھارت پاکستان ئِ مچ آ دنیا ٹی تنیا کننگ نا سجفنگ ئِ و وزیراعظم پاکستان اوفتا سوچ ئِ اوفتا بوز اٹ خلکونے، وزیراعظم محمد نواز شریف چین و روس اتون اوار ایلو ملک آتون تعلقداری تے پین سوگو جوڑ کننگ نا کوشست کننگ ئِ تانکہ دافتیان واپار ئِ ودفنگے و کویت نا دورہ ہم ہندا چرجوئی نا اسہ کڑی اس ئس۔ کویت ننا برادر اسلامی ملک ئِ و اودے داہیت انا احساس ارے کہ 20 کروڑ نا آبادی تون پاکستان اسٹ انگا مسلم ایٹمی طاقت و اسٹریٹجک محل و وقوع تخک، داڑآن رابطہ غاتے قائم کننگ اٹی فائدہ ئِ و داسہ وزیراعظم پاکستان نا کوشست آتیان پاکستانی تے کن ویزہ ہم ملنگانے۔ ڈاکٹر شاہدحسن پارے کہ دنیا کٹیا نا کنڈآن ہِننگ ئِ ننے ہم تینا فائدہ نا ہیت ئِ سجفوئی مریک و تینا معیشت ئِ پین سوگو کروئی مریک تانکہ دولت مند و تیل آن مالامال ملک آک تینٹ ننا کنڈآبریر۔ اوپارے کہ نن قائد اعظم محمد علی جناح نا پاروک آ اصول آتا پیروی ئِ کرسا 2030 ءاسکان پاکستان ئِ دنیا ٹی اسہ اقتصادی طاقت اس جوڑ کننگ کینہ۔
