اسلام آباد۔ 08 مارچ (اے پی پی) محکمہ جان جوڑی کوئٹہ نا پاننگ ئِ کہ بلوچستان انسٹی ٹیوٹ آف نیورولوجی ٹی بک آتا ٹرانسپلانٹ بروک آ تواٹی بناءکننگک۔ نجی ٹی وی چینل نا رداٹ بلوچستان اٹی بک آتا مرض اٹی مبتلا بندغ آتا کچ 40 ہزار آن گدرینگانے۔ کوئٹہ نا سول ہسپتال اٹی ہردے 60 مریض وخت اس کہ سمنگلی روڈ آ واقع بلوچستان انسٹی ٹیوٹ آف نیفرولوجی ٹی 120 مریض آتا ہردے ڈائلاسز ئِ کننگک۔ محکمہ جان جوڑی صوبہ نا 8 ضلع غاتیٹی بک آتا مرض آتا درمان کن یونٹ قائم کرینے وخت اس کہ کوئٹہ نا بلوچستان انسٹی ٹیوٹ آف نیفرولوجی ئِ اپ گریڈ کننگانے ہراڑے مریض آتے بروک آ توآن ٹرانسپلانٹ نا آسراتی ہم دوئی مریک۔ ماہر امراض بِک ڈاکٹر فضل نا پاننگ ئِ کہ بلوچستان انسٹی ٹیوٹ آف نیفرولوجی اپریل نا اولیکو ہفتہ ٹی ٹرانسپلانٹ نا کاریم نا باقاعدہ بنائِ کیک۔ ارٹ میکو کنڈ طبی چاہندارآتا پاننگ ئِ کہ بک آتا مرض اٹی ودکی نا رداٹ خلقت ئِ بایدے مرے کہ او سادہ طرز زند اختیار کیر و صاف ئُ دیر کُننگ تون اوار اوار زیات سُو کُننگ آن پرہیز کیر۔
