اسلام آباد۔ 07 مارچ (اے پی پی) وزیراعظم محمد نواز شریف پارینے کہ سلہہ بند فوج ننا جمہوری اقدار ، آئین ، آجوئی و زند انا طرز انا رکھ اکن دہشت گردی نا ناسور نا برخلاف برسرپیکار ئُ ، دشمن تے اوفتا ناپاک عزم اٹی سرسہب مننگ کن ہلیپنہ، آپریشن ردالفساد لمہ وطن ئِ دہشت گردی آن پاک کننگ اسکان برجاسلک۔ وزیر اعظم صوابی ٹی دہشت گرد آتون جنگ اٹی کیپٹن جنید و سپاہی امجد نا شہیدی آ ہڑزخواہی نا درشانی ئِ کرسا دعا کرے کہ اللہ تعالیٰ شہید آتا درجہ غاتے بڑز کے و اوفتا خاہوت آتے صبر کننگ نا توفیق عطاءفرمائفے۔ سے شنبے نا دے جاری بیان نا رداٹ وزیراعظم ریاست نا رٹ ئِ چیلنج کروک آ دہشت گرد آتا برخلاف سلہہ بند فوج انا زبردست کوشست آتا ستائِ کرسا فرض ئِ پورو کننگ اٹی دہشت گرد آتون دلیرانہ جنگ اٹی تینا جان تے ندر کروک آ ورناتے خراج عقیدت پیش کرے۔ اوپارے کہ تینا فرض ئِ پورو کننگ اٹی جام شہادت نوش کروک آ قوم انا اصل ہیروک ئُ ۔ اوپارے کہ ننا سلہہ بند فوج ننا جمہوری اقدار، آئین ، آجوئی و ننا زند انا طرز انا رکھ اکن دہشت گردی نا ناسور نا برخلاف برسرپیکار ئُ اوپارے کہ نن تینا دشمن تے اوفتا ناپاک عزم اٹی سرسہب مننگ کن ہلیپنہ۔ آپریشن ردالفساد لمہ وطن ئِ دہشت گردی آن پاک کننگ اسکان برجاسلک۔
