کویت سٹی۔ 07 مارچ (اے پی پی) مزن وزیر محمد نواز شریف ئُُ امیر کویت شیخ صباح الاحمد الجابر الصباح ئَ پاکستان ئُُ کویت ئِ نیامئَ دو نیمگی یکوئی ئَ را گیش مھکم کنگ ئِ واستہ دل یکیمی دات۔ کویت سٹی ئَ امیری دیوان ئَ وتی وشیں ھیال ریچی ئِ ساھت ئَ دوئیں رھشون آں وت مہ وتی یکوئی ئُّ واھشت آنی سر ئَ ھیال ریچی کُت۔ مزن وزیر محمد نواز شریف ئَ گوشت کہ پاکستان کویت ئِ گوما وتی یکوئی ئَ را گیش کنگ ئَ سک باز ارزشت دنت ئُُ بازیں پڑ آنی تہ ئَ ایشرا گیشیں کمک ئَ گوں گیش مھکم کنگ ئِ واھشت مند اِنت۔ آئی ئَ گوشت کہ پاکستان ئُُ کویت ئِ نیام ئَ صنعتی ، کشت ئُُ کشاری ، توانائی اور دیمپانی ئِ شوبگ ئُُ اقتصادی کمک ئِ تہ ئَ گیشی ئِ ضلورت ئِ سر ئَ زور پر دات۔ مزن وزیر ئَ کویتی سرمایہ کار آناں گوشت کہ پاکستان ئَ جوانیں معاشی موہ آنی تہ ئَ نپ چست کن۔ آئی ئَ گوشت کہ امیر کویت ئَ را مزن وزیر کویت، نیشنل پارلیمنٹ ئِ سپیکر ئُُ کویتی تاجر آنی ئُُ سرمایہ کار آنی گوما وتی جوانیں گند ئُُ نند آنی بابت ئَ سرپد کُت۔ مزن وزیر ئَ وتی وتی ٹولہ آنی سر ئَ دل یکیمی ئُُ وشی ئِ درشان کُت۔ اے موہ ئِ سر ئَ وزیر ئِ پڑرولیم شاہد خاقان عباسی، مزن وزیر ئِ ھاسیں کمکار برائے درئی کار طارق فاطمی، سرمایہ کاری بورڈ ئِ چیئرمین مفتاح اسماعیل ئُُ پاکستانی سفیر غلام دستگیر ھم ساڑی اتنت۔
